Бугун “Локомотив” Осиё чемпионлар лигасининг 3-тур доирасида “Сепахон” меҳмони бўлади. Кеча “темирйўлчилар” ўйин бўладиган стадионда машғулот ўтказишди.
“Foolad Shahr Stadium” деб ном олган стадион биз истиқомат қилаётган меҳмонхонадан автобусда ярим соатлик йўл экан. Лекин қайтишча йўл қатнови ниҳоятда тирбандлиги боис бир соатча йўл юришимизга тўғри келди.
Маълумотларга кўра, стадион ўз бағрига 15 минг мухлисни сиғдира олади. Ўйингоҳ тоғли ҳудудга яқин қилиб қурилгани боис ҳавоси тоза, бироқ шамоли ёқимсиз. Кеча машғулот пайтида шамол бир зум ҳам тинмади.
Дарвоқе, стадион аслида “Зоб Аҳан” футбол клубига тегишли бўлиб, ҳозирда “Сепахон” ҳам уй учрашувларини айнан шу ерда ўтказмоқда.
