ОЧЛ-2016 "С" гуруҳидан ўрин олган "Пахтакор" - "Тракторсози" учрашуви якунига етди ва бунда мезбонлар Игор Сергеевнинг ягона голи эвазига ғалаба қозонди.
Эътиборлиси шундаки, мазкур баҳс Тошкент жамоасининг Осиё клублари ўртасидаги 100-ўйини бўлиб тарихдан жой олди. Энди тошкентликлар ҳисобида Чемпионлар Лигасининг ҳозирги форматида 84 та ўйин бор. Қолган 16 тасини эса Осиё клублари чемпионати ва Кубок эгалари Кубогида ўтказган.
“Пахтакор” клуби халқаро майдонда ўтказилган ўйинларнинг 44 тасида ғалаба қозониб, 18 марта дуранг ўйнаган ва 38 учрашувда мағлубиятга учраган. тўплар нисбати бўйича кичик устунлик бор. 159-143.
Бундан ташқари “Пахтакор” Ўзбекистон клублари орасида халқаро майдонлардаги ўйинлари бўйича пешқадам бўлиб, юзлик "довон"ни забт этган илк ўзбек жамоасига айланди.
Эслатиб ўтамиз, мазкур натижадан сўнг ҳозирча "Пахтакор" гуруҳда 4 очко билан гуруҳда 3-ўринни эгаллаб турибди.
