Кеча бўлиб ўтган “Бунёдкор” – “Зоб-Оҳан” учрашувидан кейин “қалдирғочлар” ҳимоячиси Александар Алемпиевич ўйин борасида ўз фикрларини билдириб ўтди.
"Ўйин қийин ўтди. Биринчи таймда биз бироз қийинчиликларга дуч келдик. Аммо иккинчи бўлимда рақибдан кўра яхшироқ ҳаракат қилдик. Бироқ бу устунлик ҳисобда акс этмади. Бир нечта имкониятлар бўлди. Аммоа улардан фойдалана олмадик. Айтиб ўтганимдек иккинчи 45 дақиқаликда биз яхши ўйнадик. Хатто тўп билан яхши муомала қилиб, уни кўпроқ ўзимизда ушлаб турдик. Натижада рақиб бизга нисбатан кескин ҳаракатлана олмади.
Тўғри, биз ўз уйимиза ғалаба қозона олмадик. Аммо ҳали имконият бор деб ўйлайман. Насиб қилса, “Зоб-Оҳан”ни сафарда мағлубиятга учратамиз ва гуруҳ босқичини ижойиб ҳал қила оламиз", - дейди “Бунёдкор” таянч ярим ҳимоячиси.