Хабарингиз борки, 19 март куни “Навбаҳор” мамлакат кубогининг 1/16 финалида Қувасойнинг “Цементчи” клуби меҳмони бўлади. Бугун ПФЛ Ўзбекистон кубогининг ушбу босқичидан ўрин олган учрашувларда хизмат қиладиган ҳакамлар рўйхатини эълон қилди. Унга кўра Қувасойда бўлиб ўтадиган учрашувни Аҳрол Рисқуллаев бошчилигидаги ҳакамлар бригадаси бошқариб боради.Рисқуллаевга 19 март куни қанотларда Т.Гайнулин ва А.Сидоровлар ёрдам беришади. Захирадаги ҳакам сифатида Р.Кападзе қайд этилган бўлса А.Ҳотамов Қувасойга назоратчи ҳакам сифатида ташриф буюради.
Кеча жамоамиз аъзоларини клуб қароргоҳида йиғилиб, “Цементчи”га қарши учрашувга тайёргарликни бошлашлари ҳақида хабар бериб ўтгандик. Кеча кечки пайт Тўрақўрғондаги “Ёшлик” ўйингоҳида шуғулланган футболчиларимиз бугун икки маҳаллик машғулотда қатнашишади. Эрталаб жамоа аъзолари тренажёр залида шуғулланишган бўлса бироздан сўнг бошланадиган машғулот майдонда олиб борилади.