“Рома” клубининг кўп йиллик сардори Франческо Тотти фаолиятини Туманли Альбионда давом эттириши мумкин. “Рома” афсонасига “Лестер” клуби қизиқиш билдиряпти. La Gazzetta dello Sport нашрининг хабар беришича, ёзги трансфер бозори чоғида Тотти Римни тарк этади.
39 ёшли италиялик футболчига “Лестер” клуби раҳбарлари жамоа маъмуриятидан иш таклиф қилишяпти. Тоттининг ўзи эса футболчилик фаолиятини давом эттириш истагида. “Лестер” бош мураббийи Клаудио Раньери эса Франческони футболчи сифатида ўз жамоасида кўрмоқчи. Аввалроқ, “Рома” клуби президенти Жеймс Палотта Тотти фаолиятини АҚШда давом эттиришини маълум қилганди.
