Ўзбекистон кубоги 1/16 финал босқичи доирасида Навоийнинг «Қизилқум» жамоаси «Орол» футболчилари билан куч синашади. Учрашув 19 март куни Навоийдаги «Ёшлар» спорт мажмуасида бўлиб ўтади.

Ўзбекистон Профессионал футбол лигаси Ҳакамлар қўмитаси қарорига кўра, мазкур учрашувни ФИФА рефериси, бухорлик Илгиз Танташев бошқариб боради. Унга лайнсменлар Сардор Ҳакимов (Самарқанд) ҳамда Александр Буров (Бухоро)лар кўмаклашади. 

Учрашувнинг захирадаги ҳаками Фирдавс Норсафаров  эса Қарши шаҳридан ташриф буюради.

Ўйинни назоратчи сифатида Хушвақт Мухторов (Самарқанд) кузатиб боради.

Мазкур босқич бир учрашувдан иборат. Унинг ғалба қозонган жамоа «Зомин» — «Андижон» жуфтлиги ғолиби билан Ўзбекистон кубоги 1/8 финал босқичида ўзаро куч синашади. Кейинги босқичдан бошлаб учрашувлар уй — сафар тизими асосида ўтказилади.

Эслатиб ўтамиз, «Қизилқум» — «Орол» жамоалари ўйини 19 март куни соат 17.00 да бошланади.