Ўзбекистон Кубоги 1/16 финал босқич доирасидаги «Динамо» ва «Нефтчи» (0:1) жамоалари ўртасидаги учрашувдан кейин меҳмонлар мураббийи Андрей Фёдоров ўйин ҳақида тўхталди.

«Ўйин том маънода кубок қарама-қаршилигига мос бўлди. Ҳар икки томон ҳам имкон бўлди дегунча вазият яратиб, ҳужумга ўтишга интилди. Айниқса биринчи бўлимда «Динамо» қарши ҳужумларда анча яхши ўйнади. Улар тезкорроқ кўринишди. Биз эса нисбатан секинроқ ўйнаб, тизгинни ўзимизда ушлашга интилдик. Танаффусда киритилган ўзгаришлар самарасини бериб иккинчи бўлим бошида ҳисобни очдик. Бироқ гол урганимиздан кейин анча орқароқда ўйнадик, рақиб эса жарима майдонимизга яқин ўйнаб, хавфли вазиятлар яратди. Якунда натижани сақлаб қолиб, «Нефтчи» кубокдаги юришини давом эттиришидан хурсандман» - дейди Фёдоров.

«Самарқандда яхши жамоа ташкил этилмоқда. Жамоа Олий Лигага чиқиш вазифасини қўйган экан, бу йўлда янги мураббий Илҳом Шариповга омад тилаб қоламан» - дейди «Нефтчи» бош мураббийи.