Профессионал бокснинг супероғир вазн тоифасида WBA (Regular) йўналиши чемпиони Лукас Браун допинг текширувдан ўтди ва унинг қонида тақиқланган кленбутерол моддаси борлиги аниқланди. Австралиялик боксчи ҳамюртимиз Руслан Чагаевга қарши ўтказган жангидан беш кун аввал ва жанг якунланганидан сўнг допинг учун таҳлил топширганди.
Энди Браунни чемпионлик камаридан маҳрум қилишлари мумкин. Руслан Чагаев эса янги чемпионлик жангида иштирок этиш имкониятига эга бўлади. Кленбутерол моддаси Халқаро антидопинг ташкилоти томонидан тақиқланган моддалар қаторига киритилган.
Эслатиб ўтамиз, Руслан Чагаев ва Лукас Браун ўртасидаги чемпионлик жанги 5 март куни Грозний шаҳрида ўтказилганди. Унда ҳамюртимиз рақибага 10-раундда техник нокаут билан мағлуб бўлганди.
