Қатар Юлдузлар лигасининг 23-тур марказий учрашувида мусобақа жадвалида якка пешқадамлик қилаётган “Ал-Раййан” ҳамда ҳамюртимиз Сардор Рашидов тўп тепаётган “Ал-Жайиш” клублари ўзаро тўқнаш келди.

Ушбу ўйинда “Ал-Жайиш” кучли рақибини 2:1 ҳисобида мағлуб этишнинг уддасидан чиқди. Ҳамдаллоҳ (54-пен) ва Ромариньо (64) киритилган голларга муаллифлик қилишди. “Ал-Раййан”дан ягона жавоб тўпини 51-дақиқада Табата пенальтидан киритди.

Ушбу учрашувда Сардор Рашидов захирада қолдирилди. Бу ғалабадан сўнг “Ал-Жайиш” 43 очко билан иккинчи ўринни эгаллаб турибди. “Ал-Раййан” эса 61 очко билан карвонбошиликни давом эттиряпти. Энди Рашидов терма жамоамиз йиғинига қўшилади. Айнан унинг чиройли голи эвазига Қатар клуби "Насаф" жамоасини ОЧЛ 3-тури доирасида мағлуб этган эди.