25 март куни ФИФА расмий сайти аъзо мамлакатлар аёллар терма жамоаларининг янги рейтингини маълум қилди.
Ўзбекистон аёллар терма жамоаси унга кўра Жаҳон рейтингининг 42-поғонасидан ўрин эгаллаган. Ҳозирги вақтда Ўзбекистон аёллар терма жамоаси ҳисобида 1540 очко мавжуд.
Осиё Футбол Конфедерациясига аъзо мамлакатлар ичида эса Ўзбекистон 9-поғонадан ўрин олган. ОФКга аъзо мамлакатлар аёллар терма жамоалари ичида энг яхши натижани ҳозирда Австралия қайд этиб турибди. Австралия дунё рейтингининг 5-ўринидан жой эгаллаган. ОФК аъзолари орасида кучли учликка Япония (7) ҳамда Шимолий Корея (9) аёллар терма жамоалари кирган.
Ўзбекистондан юқори ўринларда шунингдек, Хитой (12), Жанубий Корея (17), Таиланд (32), Вьетнам (35) ҳамда Хитой Тайпей (38) жамоалари жой олган.
Таъкидлаш керакки, дунё рейтингини амалдаги Жаҳон чемпиони – АҚШ терма жамоаси бошқариб боряпти. Кучли учликдан Германия ҳамда Франция терма жамоалари ҳам ўрин олган.
Рейтинг билан тўлиқ танишиш учун ушбу ҳаволага ўтинг.
