Англия терма жамоаси бош мураббийи Рой Ходжсон ўртоқлик учрашувида Германия терма жамоаси устидан қозонилган ғалабадан сўнг (3:2) фикрлари билан ўртоқлашди.

"Бу терма жамоа ишимдаги энг яхши ўйинми? Бўлиши мумкин - Германияни ҳар куни ҳам ютавермаймиз. Бу ғалаба Франция устидан қозонган ғалабамизнинг (2:0) давоми бўлди. Биз кузда тўхтаган жойимиздан юришни давом эттирдик.

Танаффусда ноҳақ 0:1 ҳисобида ютқазаётганимизни ўйладим. Дарвозабонимиз жароҳат олди ва Крооснинг узоқ масофадан берган зарбасини қайтара олмади. Ҳисоб 0:2 га етгач, янада ноҳақ мағлуб бўлаётганимиздек туюлаверди.

Биз кўпроқ вазиятлар яратдик ва уч гол уриб ғалабани илиб кетишга муваффақ бўлдик. Бунга ишониш қийин. Футболчиларимизга олқишлар", - дейди Ходжсон.