Мамлакатимизнинг биринчи ракеткаси Денис Истомин АҚШнинг Майами шаҳрида давом этаётган “Мастерс” сериясига кирувчи, соврин жамғармаси 7 миллион 37 минг 595 доллардан иборат нуфузли турнирдаги иштирокини ғалаба билан бошлаган эди.

Ҳамюртимиз илк босқичда 2 соату 45 дақиқа давом этган учрашувида хорватиялик Борна Чорични 4:6, 7:5, 7:5 ҳисобида мағлуб этганди. Иккинчи босқичда эса Денис дунёнинг иккинчи ракеткаси - британиялик Энди Маррейга қарши кортга чиқди.

Бугун тонг саҳарда бўлиб ўтган ўйинда Денис икки сет якунларига кўра британиялик теннисчига имкониятни бой бериб қўйди. Биринчи сет 6:3 ҳисобида якунланган бўлса, иккинчи сетда 7:5 ҳисоби қайд этилди.

Демак, сенсация рўй бермади ва кейинги босқичга Энди Маррей йўл оладиган бўлди.

Энди Маррей - Денис Истомин 6:3, 7:5.