"Арсенал"нинг собиқ дарвозабони Девид Симэн "канонирлар" устози Арсен Венгерни ҳимоя қилиб чиқди.
АПЛ мавсумининг тугашига етти тур қолганда "Арсенал" пешқадам "Лестер"дан 11 очко ортда қолиб, учинчи ўринда бормоқда.
"Арсенал"га бўлаётган танқидлар жонимга тегди. Мен "Арсенал" мухлисиман ва шошилинч қарорлар чиқаришни истамайман. Келинг, мавсум сўнгини кутайлик, кейин муҳокама қиламиз. Шахсан мен учун Венгер - ажойиб мураббий, мен у билан 7-8 йил ишлаганман ва у ўзининг фантастик ишлари билан ёдимда қолган.
Венгерни бўшатишдан аввал сэр Алекс Фергюсонсиз қолган "МЮ"нинг аҳволига қаранг. Тушунаман, "Арсенал" мулислари норозилар, мен ҳам жуда норозиман. Аммо вазиятга тўғри баҳо бериш керак", - дейди Симэн.
