Бугун жамоамизнинг тажрибали ҳужумчиси, жамоамиз иштирокидаги муҳим ўйинларда гол уриб, ютуқларига улкан ҳисса қўшган Илҳом Шомуродовнинг таваллуд айёми куни.
Илҳом Шомуродов 2009 йилдан буён жамоамиз сафида фаолият юритиб келмоқда. Шомуродовнинг “Насаф” жамоаси ютуқларига қўшган ҳиссаси жуда салмоқлидир. Тажрибали ҳужумчимиз ўтган мавсумда жамоа тўпурари бўлганлиги ҳам буни исботлаб турибди.
“Насаф” профессионал футбол клуби раҳбарияти, мураббийлар штаби, футболчилари ва жамоа мухлислари номидан Илҳомжонни бугунги туғилган куни билан самимий табриклаймиз. Унга мустаҳкам сиҳат-саломатлик, узоқ умр ва бахт саодат тилаймиз. Умидимиз шуки, Илҳом Шомуродов ҳали жамоамиз иштирокидаги халқаро майдонларда ва миллий чемпионатимизда бўладиган учрашувларда рақиблар дарвозасига голлар киритиб, бизларни ва клубимиз мухлисларини хурсанд қилаверади.
Илҳомжон яна бир марта туғилган кунингиз муборак бўлсин!
“Насаф” ПФК жамоаси
