Ўзбекистон миллий терма жамоаси Жаҳон чемпионати саралашлари доирасида март ойи ҳисобидан 7 та ўйин ўтказган ва шуларнинг 5 тасида зафар қучган. Бу учрашувларнинг тўрттаси Тошкентда ўтказилган. Мағлубият билан якунига етган икки ўйин 2005 йил сафарда бўлиб ўтган.

Бугун, 29 март куни Ўзбекистон миллий терма жамоаси 2018 йилги Жаҳон чемпионатининг саралаши доирасида Баҳрайнга қарши майдонга тушади. Бу беллашувда Самвел Бабаян жамоаси очко йўқотса ёки гол ўтказиб юборса, Ўзбекистон терма жамоасининг март ойидаги яхши анъанасида ўзгариш юз беради. Қайд этиш керак, март ойида жаҳон чемпионати йўлида Тошкентга сафар этган тўртта мамлакат терма жамоаси Ўзбекистон дарвозасига гол ҳам ура олмаган.

Ўзбекистон терма жамоасининг март ойида бўлиб ўтган барча турнирлардаги ўйинлари сони 20 тани ташкил қилади. Шуларнинг 9 тасида рақиб жамоанинг қўли баланд келган ва 3 тасида ғолиб аниқланмаган. Қизиқ томони, Осиё кубоги саралаши доирасида март ойида бўлиб ўтган 4 та беллашувнинг бирортаси ҳам Ўзбекистоннинг ғалабаси билан якунига етмаган.

Ўзбекистон терма жамоасининг март ойи ҳисобидан ЖЧ саралашлари доирасидаги барча ўйинлари:

31 март, 2004 йил

Хитой Тайпейи — Ўзбекистон 0:1

Гол: Леонид Кошелев, 59 (0:1).

25 март, 2005 йил

Кувайт — Ўзбекистон 2:1

Голлар: Башар Абдулазиз, 7 (1:0). Башар Абдулазиз, 62 (2:0). Александр Гейнрих, 77 (2:1).

30 март, 2005 йил

Жанубий Корея — Ўзбекистон 2:1

Голлар: Ли Ёнг Пё, 55 (1:0). Ли Донг Гук, 62 (2:0). Александр Гейнрих, 79 (2:1).

26 март, 2008 йил

Ўзбекистон — Саудия Арабистони 3:0

Голлар: Тимур Кападзе, 45+1 (1:0). Максим Шацких, 66 (2:0). Сервер Жепаров, 68-пен (3:0).

28 март, 2009 йил

Ўзбекистон — Қатар 4:0

Голлар: Фарҳод Тожиев, 34 (1:0). Фарҳод Тожиев, 45+3 (2:0). Фарҳод Тожиев, 53 (3:0). Анвар Солиев, 62 (4:0).

26 март, 2013 йил

Ўзбекистон — Ливан 1:0

Гол: Сервер Жепаров, 64 (1:0).

24 март, 2016 йил

Ўзбекистон — Филиппин 1:0

Гол: Анзур Исмоилов, 59 (1:0).