Испания чемпиоанти 31-турида “Реал” жамоаси сафарда “Барселона” меҳмони бўлади. Ушбу ўйинни кўпчилик футбол мухлислари интизорлик билан кутмоқда.
Испания ОАВлари “Эл-Классико”га оид қизиқарли статистикани аниқлади. Маълум бўлишича, “Реал” сафида Роналду, Бэйл ва Бензема биргаликда майдонга тушганида, Мадрид клуби “Барселона”ни мағлубиятга учрата олмаган экан. Ушбу футболчилар каталонияликларга қарши жами уч ўйинда биргаликда майдонга тушишган.
Таъкидлаш керакки, Гарет Бэйл 2013 йилда “Реал” аъзосига айланган. Ўшандан буён “Қиролли клуби” “Барселона”ни икки маротаба мағлубиятга учратган: 2013/14 йилги мавсумда Испания Кубоги финалида (2:1) ва ўтган мавсум Испания чемпионати 9-турида. Кубок финалида Роналду жароҳати туфайли майдонга туша олмаган эди. Иккинчи ҳолатда эса Бэйл ўйинни ўтказиб юборган эди.
