Айни дақиқага келиб, Ўзбекистон миллий терма жамоаси ЖЧ-2018 саралашининг навбатдаги босқич йўлланмасини расман қўлга киритиб бўлди.
"В" гуруҳидан ўрин олган Австралия-Иордания баҳсида мезбонлар 5:1 ҳисобида ғалаба қозонишди.
Натижада Ўзбекистон бугун мағлубиятга учраб, ўз гуруҳида 2-ўринни эгалласа ҳам назарий жиҳатдан энг яхши кўрсаткичга эга бўлган 4та жамоа сафига киради. Яъни, 2-ўринни эгаллайдиган жамоаларнинг камида 4таси биздан пастда бўлади.
Шунингдек, Сурия терма жамоаси ҳам муддатидан аввал навбатдаги босқич йўлланмасини ҳал қилиб бўлди. Сурияликлар айни паллада Япония меҳмони бўлишмоқда.
Шунга қарамай, бугун 18:00да бошланадиган ўйинда Ўзбекистон терма жамоасидан фақат ғалаба кутиб қоламиз.
