Футбол бўйича АҚШ аёллар терма жамоаси 5 нафар етакчи футболчиси эркаклар терма жамоасига нисбатан кам мукофот пуллари берилиши муносабати билан судга мурожаат қилади. Аёллар жамоаси эркаклар миллий терма жамоасига қараганда 4 баробар кам мукофот пуллари олади.
Шу сабабли ҳам Алекс Морган, Хоуп Соло, Карли Ллойд, Меган Рапино ва Бекки Сауэрбрунн аёллар жамоаси номидан судга шикоят хати билан чиқишади.
“Биз шунча йил давомида чидаб келдик. Лекин футбол федерация мукофот пулларини оширгани йўқ. Нима учун эркаклар терма жамоаси аъзолари биздан 4 баробар кўп мукофот пули олиши керак”, - деди сўнгги жаҳон чемпионатининг энг фойдали футболчиси Карли Ллойд.
Маълумотларга кўра, АҚШ аёллар терма жамоасига бир йил учун федерация томонидан 20 миллион доллар ажратилган. Ўтган йили АҚШ аёллар терма жамоаси жаҳон чемпиони бўлган эди.
