«Арсенал» жамоаси бош мураббийи Арсен Венгер ҳолландиялик афсонавий футболчи Йоҳан Кройфф ҳақидаги хотираларини айтиб ўтди.

«Кройфф менинг болаликдаги кумирларимдан бири эди. У мендан анчагина катта эди ва унинг қилган ишлари ҳам мен қилганларимдан катта бўлди.

Уни футболдаги Жеймс Дин дейиш мумкин (Жеймс Байрон Дин - америкалик актёр. 1931 йилда туғилиб, 1955 йилда, 24 ёшида автопойгада қатнашиш вақтида фожиали тарзда ҳалок бўлган. Унга ўлимидан кейин 2 марта "Оскар" берилган - таҳририят). У ҳам чекарди ва ўйнарди. Мен унинг Страсбургда бизга қарши ўйин олдидан сэндвични паққос туширгани, майдонга тушиб эса барчадан зўр ўйнаганини кўрганман.

У ўз ҳаракатлари билан ўзининг эрксевар эканини намойиш этарди. Унинг кучли шахсияти уни янада буюк қиларди.

Кройффнинг шахсияти унинг барча замондошлари каби мени ҳам таъсирлантирган», – дейди Венгер.