Ўзбекистон чемпионатининг 3-турида "Навбаҳор" ва "Сўғдиёна" жамоалари баҳс олиб боришди. Ўйиндан кейинги матбуот анжуманида меҳмонлар устози Даврон Файзиев ўйин ҳақидаги фикрлари билан ўртоқлашди.

"Жамоамизнинг бугунги ўйинидан қониқмадим. Заҳирадан майдонга тушган ўйинчи Ш.Каримов ишончсизроқ ҳаракат қилди. "Навбаҳор" жамоаси бугун ўз мухлислари олдида ғалаба қозонишга ҳаракат қилди. Меҳмонга борадиган ҳар бир жамоа ҳам очко билан қайтиш учун режа қилади. Ҳақиқатдан ҳам кўп карточкалар олаяпти жамоамиз. Холмуродов бизнинг жамоада ва майдонда хақиқий жангчи. Футболда яккакурашларда сал бўлсаям имкониятлар бериш керак. Жиззахда истеъдодлар кўп. Ёшлар футболини ривожлантиришга кўпроқ эътибор қаратсак, истеъдодли футболчилар сони ортиб боради.

Оҳирги иккита ўйинда МТЖ миз ўйинига тўхталадиган бўлсак, кўпроқ натижа муҳим эди, чиройли ўйин кўрсатиш учунмас. МТЖга борадиган футболчиларни тайёр ҳолда этиб келишларига ҳаракат қилишимиз керак", - дейди мураббий.