Кеча Андижонда биринчи лига жамоамиз "УзДонгЖу"га қарши сафар баҳсини ўтказди. Биринчи турда жамоамиз йирик 3:0 ҳисобида имкониятни бой бериб қўйгани ҳақида хабар берган эдик. Ушбу ўйиндан сўнг жамоа мураббийи Актам Бердиев ўйин ҳақида фикрларини билдириб ўтди. 

"Ҳали мавсум олдинда ва биз таркибдаги футболчиларга ишонамиз. Кеча қийин ўйин бўлди. Рақиб ҳақиқатдан ҳам кучли. "Машъал-2" учун чемпионатдаги биринчи баҳс бўлгани боис ҳаяжон сезилди. Рақибимиз ҳам маҳоратли эди. Кубок баҳсларида майдонга тушган эдик лекин буни чемпионат билан солиштириб бўлмайди", - дейди Актам Бердиев

"Асосий таркибга футболчи етиштириб бериш учун қўлимиздан келган меҳнатни қиламиз. Хатоларни кўриб чиқамиз ва улар устида қайта ишлаймиз. Яхшироқ натижага эришиш учун ҳаракатни сусайтирмаймиз. Кеча қабул қилиб олинган йирик мағлубият кейинги баҳсга таъсир ўтказмайди. "Норин" билан ўйинга ғалаба учун чиқамиз. Ҳозир навбатдаги учрашувга тайёргарликни бошладик. Тайёргарлигимиз Андижонда бўлиб ўтмоқда".