Матбуот анжуманининг иккинчи қисмида “Насаф” жамоаси бош мураббийи Рўзиқул Бердиев иштирок этди.

— Учрашув яхши бўлди, икки жамоа ҳам ўз ўйинини кўрсатишди. Мухлисларга раҳмат айтаман, бугун улар кутилганидек бизни жуда яхши қўллаб-қувватлашди.

— Бугун қайси чизиқдан кўнглингиз тўлмади?
— Бугун ўйинда албатта ҳужум чизиғимиз яхши ўйнай олмади, улар деярли рақиб дарвозаси олдида хавфли вазият ҳам ташкил қила олишмади. Азаматни бугунги ўйинда танлаганим, у зич ҳимояда яхши ўйнай олади. Бобурни биринчи бўлимда туширмаганим, у кўпроқ очиқ вазиятда яхши ўйин кўрсата олади. Агар рақибдагидек ҳужумчи таркибимизда бўлганда, натижа бошқача бўлар эди.

— Бугун ўйинда “браклар” кўп бўлди.
— Менимча, бунга асосан ҳаяжон сабабчи бўлди.

— Сизнингча, “Насаф”нинг кейинги босқичга чиқишга имкони борми?
— Ҳали гуруҳда қолиб кетганимиз йўқ, имконимиз бор, курашда давом этаверамиз.

— Артурнинг "сариқ" олганини қандай изоҳлайсиз?
— У дарвозабон билан туқнашиб кетди, рақиб ўйинчиси унга қўпол муомалада бўлди, Артурнинг жавоб қайтаргани учун ҳакам унга сариқ карточка кўрсатди деб, ўйлайман.

— Баҳром Абдураҳимовнинг ўйинидан қониқдингизми?
— Баҳромнинг ўтган ўйинда олган жароҳати ҳам бугун халақит берди. Шунинг учун унинг ўйини сизларга маъқул келмагандир. Аммо у қўлидан келганча ўйнади. Биз кўпроқ қанотлардан ҳужумлар уюштирганимиз учун Баҳромни қанотга қўйдим, у буни уддалаяпти. Энди ҳужумчи масаласида тўхталадиган бўлсам, бизнинг олдимизга бу йил катта вазифа қўйиляпти, умид қиламанки, яқинда кучли ҳужумчини сафимизга қўшиб оламиз.