БААнинг Абу-Даби шаҳрида “Осиё Миллатлар Кубоги-2016” мусобақаси якунига етди. Кеча турнирда сўнгги 9-тур учрашувлари бўлиб ўтди. Чемпионатда саккизинчи рақам остида таснифланган Ўзбекистон аёллар терма жамоаси ушбу турда Шри-Ланка шахматчиларидан 3:1 ҳисобида устун келишди.
Нафиса Мўминова ва Севара Боймуродова рақибалари билан дуранг натижа қайд этишди. Сарвиноз Қурбонбоева ва Ирина Геворкян эса рақибаларини мағлуб этиб, терма жамоамизга муҳим ғалабани тақдим этишди. Якунда терма жамоамиз иккинчи ўринни эгаллади. Хитой терма жамоаси мусобақа ғолибига айланди. Кучли учликка қозоғистонлик шахматчилар якун ясашди.
