"Барселона" ҳимоячиси Херард Пике "Реал" ЕЧЛ чорак финали биринчи учрашувида "Вольфсбург"дан учраган мағлубиятидан сўнг Твиттер ижтимоий тармоғига фикр билдирди.
Учрашув 0:2 ҳисобида тугаши биланоқ Пике ўз твиттерига шундай сўзларни ёзди: "Ҳақиқат аччиқ. Ажойиб фильм! Уилл Смитт - барча замонларнинг энг яхши актёрларидан бири".
Гарчи Пикенинг сўзлари тўғридан тўғри мадридликлар шаънига йўналтирилмаган бўлсада, испан матбуоти буни "Реал" томон айтилганини тахмин қилмоқда.
Эслатиб ўтамиз, Пике аввал ҳам ижтимоий тармоқларда "Реал" шаънига пичинглар битган эди.
