Жамоамиз Тошкент шаҳрида мини футбол бўйича Ўзбекистон кубоги мусобақасида иштирок этиш билан бирга, катта футбол бўйича бир нечта назорат учрашувлари ҳам ўтказди.
Дастлаб ана шундай назорат учрашуви “Бунёдкор” футбол академияси майдонида “Бунёдкор W” жамаосига қарши ўтказилди. Учрашув 2:0 ҳисобида жамоамиз фойдасига ҳал бўлди.
Яна бир учрашув Тошкентда йиғин ўтказаётган Қозоғистоннинг “Астана” жамоаси билан бўлди. Бу учрашувда қозоғистонлик футбол қизларнинг 4:1 ҳисобида қўли баланд келди.
Тошкентдаги сўнгги назорат учрашуви Олмалиқнинг “Олмалиқ W” жамоаси билан бўлди. Олмалиқ шаҳрида ўтказилган ушбу назорат учрашувида жамоамиз 3:0 ҳисобида ғалаба қозонди, учрашувдаги голларга жамоамиз сардори ва ҳужумчиси Зебо Жўраева (2) ва жамоамизнинг тажрибали ярим ҳимоячиси Феруза Турдибоева (1) лар муаллифлик қилишди.
Ушбу назорат учрашувлари яқин кунларда бошланадиган XXII Ўзбекистон чемпионатига тайёргарлик вазифасини ўтаб берди.
