Кеча Қўқондаги “Марказий” ўйингоҳда “Қўқон-1912” – “Бухоро” жамоалари ўртасидаги ўйин бўлиб ўтди.  Ушбу ўйинда меҳмонлар кичик ҳисобда ғалаба қозонишди.

Қуйида мазкур баҳсга бағишланган фотомақола билан танишинг:

Футболчилар майдонга тушиб келишмоқда.

Ўйиндан олдин ҳар икки жамоа аъзолари эсдалик учун суратга тушишди.

Мухлислар шиддатли баҳснинг гувоҳига айланишди.

Бош ҳакам “Бухоро” ҳимоячиси Артём Филипосянга сариқ карточка кўрсатмоқда. Бундан эса меҳмонлар норози.

Вакилларимизда бир қатор вазиятлар юзага келганига қарамай, рақиб дарвозасини ишғол этиш ҳеч кимга насиб этмади.

Фурқат Ҳасанбоев ва Азиз Ибрагимов тўп учун курашда.

Ойбек Нурбоев рақибидан ўтиб кетишга уринмоқда.

Эски танишларнинг янги тўқнашуви – Азиз Тўхтабоев ва Руслан Мелезиддинов.

“Қўқон-1912” жамоаси бош мураббийи – Мурод Исмоилов шогирдларига тинмай кўрсатма бериб турди.

“Марказий” ўйингоҳ бу сафар ҳам мухлислар билан тўлди. Бундай маназарани кўриш кишининг ҳавасини келтириши турган гап.

Ўйиндан кейинги матбуот анжуманида мезбонлар устози биргина хато қимматга тушганини таъкидлади.

Меҳмонлар бош мураббийи эса ғалабадан хурсанд эканлигини яширмади.