Хабарингиз бор, Ўзбекистон миллий терма жамоаси ярим ҳимоячиси Шоҳруҳ Гадоев айни пайтда Баҳрайн Премьер Лигаси вакили “Муҳаррақ” клубида фаолият олиб бормоқда.
Мазкур жамоа куни кеча Баҳрайн Премьер Лигаси 14-тур учрашувлари доирасида “Ситра” клубига қарши баҳс олиб борди. Жуда қизиқарли тарзда кечган ўйинда томонлар муроса кўчасини танлашди – 2:2.
Диққатга сазовор жиҳати шундаки, “Муҳаррақ” таркибида киритилган ҳар икки голни ҳам ҳамюртимиз Шоҳруҳ Гадоев киритишга муваффақ бўлди.
Ўзбекистонлик футболчи дастлаб 51-дақиқада рақиб дарвозасини ишғол этган бўлса, сўнг 72-дақиқада ҳам Гадоев ўз номини таблога ёздириб қўйди.
Ушбу дурангдан сўнг “Муҳаррақ” ҳисобида 22 очко бўлди ва жамоа мусобақа жадвалининг 2-поғонасида бормоқда.
“Ал Муҳаррақ” энди навбатдаги учрашувини 13 апрел куни ОФК кубоги 4-тур учрашувлари доирасида Суриянинг “Ал Жаиш” жамоасига қарши ўтказади.
