Олий лиганинг 5-турида "Пахтакор" 15 апрель куни "Қизилқум" меҳмони бўлади.

Хабарингиз бор, 15-17 апрель кунлари Олий лига 5-тур учрашувлари бўлиб ўтади. Мазкур тур доирасида Тошкентнинг "Пахтакор" жамоаси сафарда Навоийнинг "Қизилқум" клубини меҳмони бўлади.

Шу сабаб "шерлар" олдинги турда "Насаф" билан кечган оғир ўйиндан сўнг тикланиш машғулотларини бошлаб юборди, дея хабар беради клуб расмий сайти. Эртага эрталаб пойтахтликлар эса Навоийга йўл олишади. Сафардаги баҳсда Жавоҳир Соҳибов дисквалификация сабабли ёрдам бера олмайди.

Бу жамоалар Олий лигада 32 марта ўзаро тўқнаш келган. Шулардан 27 тасида "Пахтакор" ғалаба қозонган бўлса, 4 баҳсда дуранг қайд этилган ва атиги битта баҳсда "Қизилқум" зафар қучган. Тўплар нисбати бўйича ҳам пойтахтликлар катта устунликка эга. 88-17. Навоийдаги 16 беллашувнинг 14тасида "Пахтакор устун келган ва 2 бор дуранг кузатилган. Сафардаги сўнгги 13 учрашувда жамоамиз ғалаба қозонган.

Учрашувни Бахтиёр Намозов бошчилигидаги ҳакамлар гуруҳи бошқаради. Олий лигада Намозов ҳозиргача жамоамизнинг 4 ўйинида ҳакамлик қилган ва барчасида "Пахтакор" ғолиб чиққан.

"Қизилқум" - "Пахтакор"

Ҳакамлар: Бахтиёр Намозов (Тошкент), Тимур Галеев (Тошкент), Акбар Пўлатов (Тошкент), Равшан Абдувоҳидов (Қарши).

Назоратчи: Шамил Жумаев (Шаҳрисабз).

ЎзПФЛ вкили: Алексей Фролов (Тошкент).

"Қизилқум" ва "Пахтакор" жамоалари ўртасидаги 5-тур ўйини 15 апрель, жума куни 18:00да Навоийдаги "Ёшлик" стадионида бошланади.