Матбуот анжуманинг иккинчи қисмида жамоамиз бош мураббийи Рўзиқул Бердиев ва жамоамиз ярим ҳимоячиси Дилшод Раҳматуллаевлар қатнашдилар.

Рўзиқул Бердиев: -Эртага жамоамиз ғалаба учун курашади. Рақибимиз кучли ва жиддий. Аммо имкониятлар тенг. Омад ким томонда бўлса, уч очкога эга бўлади. Таркибда йўқотишлар бор. Аъзамов иккита сариқ олганлиги учун ва Шомуродов жароҳати боис, улар эртага ёрдам бера олмайди. "Ал Айн" яхши шаклланган, кучли легионерларга эга жамоа ҳисобланади. Жамоа таркибида фақат легионерлар эмас, балки БААнинг энг кучли футболчилари ҳам жамланган. Эртага ортиқча босимсиз ҳаракат қилиш керак. Ўйинчиларимизга хотиржам ҳаракат қилишлари кераклигини тушунтирдим. Узоқдан зарба бериш? Имкон даражада буни тушунтирамиз. Рақиб ҳам бунга имкон бермасликка ҳаракат қилиши турган гап. "Ал-Айн" ҳужумчилари қарши ҳужумда ўта хавфли. Уларни кучли ва кучсиз томонларини ўрганиб, йигитларга тушунтиришга уриндик. Йигитлар ўйин давомида айнан уларнинг етакчиларига имконият бермаган ҳолда, ўз имкониятларидан самарали фойдаланишларини уқтирдик.

Дилшод Раҳматуллаев: - Эртанга ўйинда ғалаба учун майдонга тушамиз. Ёруғ юз билан ўйинни якунлашга ҳаракат қиламиз. Биз учун бошқа йўл йўқ.