Тошкентнинг “Бунёдкор” жамоаси олий лигада ўзининг ўнинчи мавсумини ўтказмоқда.

16 апрель куни бўлиб ўтган “Бунёдкор” – “Олмалиқ” учрашуви “қалдирғочлар”нинг элитадаги 255-учрашуви сифатида қайд этилди. Ўтказилган ушбу баҳсларнинг 187-тасида ғалаба, 42тасида дуранг ва 26тасида мағлубият қайд этилган. Тўплар фарқи 515-136. Умумий жамғарилган очколар сони эса ҳозирча 603тани ташкил этмоқда.

600лик довонни забт этиш учун “Бунёдкор”га 254 учрашув керак бўлди. Бу борадаги рекорд “Нефтчи” клубига тегишли эди. Фарғоналиклар 600 очко жамғариш учун 1992-2000 мавсумлар давомида жами 255та учрашув ўтказишганди.

P.S. – “Нефтчи”нинг 1992-1994 йиллардаги ғалабалари 3 очколик тизимда ҳисобланган.