“Краснодар” клуби таркибида тўп сураётган ҳамюртимиз Одил Аҳмедов жамоадаги шароит, муҳит ва ҳамма-ҳаммаси унга маъқул бўлаётганлиги ҳақида рус ҳамкасбларимизга айтиб ўтди.
"Менинг “Краснодар” билан амалдаги шартномам бор, шу боис бошқа таклифларни кўриб чиқишга шошилмаяпман ҳам. Ҳар доим асосий таркибда майдонга тушиб турсанг жамоадаги ҳамма нарса қаноатлантиради. Агар “Краснодар”да мунтазам ўйнаб турсам ва жамоага фойдам тегса, у ҳолда жамоа таркибида узоқ муддат қолишга розиман. Қолаверса, “Краснодар” клубида футболчилар, мураббийлар, ходимлар ўз ишларига профессионалларча ёндошади. Бу менга жуда ҳам ёқмоқда “ – дейди 28 ёшли ҳамюртимиз Одил Аҳмедов "Спорт-Экспресс"га берган интервьюсида.
Эслатиб ўтамиз, мамлакатимиз терма жамоаси аъзоси “Краснодар” таркибида 2014 йилдан буён тўп суриб, 72 учрашув ўтказди ва раиблар дарвозаси томон 6 маротаба йўл топди. Аҳмедовнинг клуб билан тузган шартномаси 2019 йилнинг ёзигача мўлжалланган.
