Абу Дабида ўтган ОЧЛ гуруҳ босқичининг 5-тури доирасида "Ал-Жазира" - "Пахтакор" учрашувидан кейин (1:3) мураббийлар ўйин ҳақида фикрларини билдириб ўтишди. Дастлаб меҳмонлар мураббийи Григорий Колосовский саволларга жавоб берди.
Григорий КОЛОСОВСКИЙ ("Пахтакор" мураббийи): - Ғалаба гуруҳдан чиқиш имкониятимизни сақлаб қолди. Нимчорак финал учун имкониятга эгамиз ва биринчи навбатда "Ал Жазира"ни Тошкентда доғда қолдиришимиз талаб этилади.
Ғалаба қозонганимиз яхши, аммо йўл қўйган хатоларимизни эътиборсиз қолдирмаслигимиз зарур. Тошкентда қийин ўйин кутяпмиз. Олий лигадаги ўйинлар орқали унга яхши тайёргарлик кўрамиз деб умид қиламан.
