Футзал бўйича Ўзбекистон терма жамоаси Колумбияда бўлиб ўтадиган Жаҳон чемпионатига тайёргарликнинг дастлабки босқичини давом эттирмоқда.
Хосе Мария Мендез шогирдлари халқаро ўртоқлик турнирида иштирок этиш учун 20 апрель куни Японияга учиб кетди
Сафар олдидан кеча, 19 апрель куни сўнгги машғулотни ўтказди. "Бунёдкор" жамоаси спорт залида ўтказилган машғулотда барча футзалчилар иштирок этди.
Терма жамоа делегацияси 20 апрель куни 10:00 да Тошкент - Бангкок - Нагоя йўналишида "Кунчиқар юрт"га йўл олди.
Эслатиб ўтамиз, Япониядаги турнир 22-24 апрель кунлари бўлиб ўтади. Унда мезбонлардан ташқари, Ўзбекистон ҳамда Вьетнам миллий терма жамоалари ҳам иштирок этишади.
