“Бунёдкор” – “Лаҳвия” учрашувидан кейин ташкил этилган матбуот анжуманининг биринчи қисмида қатарликлар устози Жамол Белмади иштирок этди.
- Тошкентга уч очко илинжида келгандик. Мақсадимизга эришганимиздан хурсандман. Бугун биз яхши ўйнадик ва ҳақли равишда ғалаба қозондик. Кучли ўйин кўрсатганимиз ғалабамиз омили бўлди. Шунингдек, омад ҳам бизга кулиб боққанини айтишим керак. “Бунёдкор”нинг нозик томонлари ҳақида гапиришни истамасдим. Бу беҳурматсизлик бўларди. Ўйлашимча, гуруҳдан “Зоб-Аҳан” ва биз кейинги босқичга чиқсак керак, - дейди Жамол Белмади.
- Бу ерга ғалаба қозониш учун келгандик. Аввалдан ўйлаб қўйган режаларимиз иш берди. Ўз дарвозамиз даҳлсизлигини сақлаб турдик. Натижада “Бунёдкор” гол уриш учун олдинга интилди ва қарши ҳужумлардан фойдаландик, - дейди учрашувнинг энг яхши футболчиси деб топилган Карим Будиаф.