«Реал» ҳужумчиси Криштиану Роналду тиббий кўрикдан ўтди. «Вильярреал»га қарши ўйинда (3:0) унинг ўнг оёғи сон қисмидаги мушагида чўзилиш юзага келгани аниқланган.
Португалиялик футболчининг жароҳатдан фориғ бўлиш учун қанча вақт талаб этилиши ҳозирча аниқ эмас. У «Райо Вальекано»га қарши Ла лиганинг 35-тур ўйинини ўтказиб юборади.
Криштиану Роналду, катта эҳтимол билан ЕЧЛнинг ярим финал босқичи доирасида «Манчестер Сити»га қарши ўйинда иштирок этади.
Роналду бугун умумий гуруҳда шуғулланмади, у фақат машғулот залида ишлади.