“Обод” – “Бунёдкор” учрашувидан кейинги матбуот анжуманининг иккинчи қисмида мезбонлар устози қатнашди.

- Бугунги баҳсга олдиндан ўйлаб қўйган режаларимизнинг ҳеч бири амалга ошмади. “Бунёдкор” маҳорат борасида биздан кучли эканлигини бугун майдонда исботлади. Ўйинни ёмон бошламаган эдик. Ҳатто голли вазиятлар ҳам яратдик. Бироқ “Бунёдкор” битта гол уриб олгач, уларни тўхтатиб бўлмади. Бундай мағлубиятлар биз учун ўзига хос сабоқ бўлади. Замонавий футболда стандарт вазиятларидан унумли фойдаланиш биринчи планга чиққан. Буни ҳамма яхши билади. Бу борада албатта самарали иш олиб боришга ҳаракат қиламиз. “Обод”да иштиёқ кучли. Лекин иштиёқнинг бир ўзи камлик қиляпти, - дейди Бобур Зуҳриддинов.