“Қўқон-1912” – “Қизилқум” учрашувидан кейин ўтказилган матбуот анжуманининг иккинчи қисмида “Қўқон-1912” жамоаси катта мураббийи Муҳсин Низомиддинов қатнашди.
-Ўйин ҳақида нима дейишим мумкин. Учрашувга яхши тайёргарлик кўргандик. Назаримда, тезкор гол режаларимизни бузиб юборди. Умуман олганда, меҳмонларнинг ўйинини ўрганиш чоғида рақибнинг стантард вазиятлардан унумли фойдаланиши борасида айтиб ўтилганди. Лекин футболчилар бунга беэътибор бўлишди. “Қизилқум”га кейинги ўйинларда омад тилайман.
Ҳужумчиларимизга бироз омад етишмаяпти. Бундан ташқари, Наврўз Алимов, Отабек Ҳайдаровлар жароҳатдан энди чиқишди. Ҳужумларни самарали якунлаш борасида иш олиб борамиз. Умуман мағлубият футболнинг бир қисми. Ҳали ҳаммаси олдинда. Камчиликлар устида ишлаймиз.