"Ростов" Россия "Лестер"и бўлишга яқин келмоқда. Қурбон Бердиев шогирдлари Россия чемпионатининг 25-турида ўз майдонларида "Зенит"ни йирик ҳисобда мағлуб этишди.

Биринчи бўлим тугашига арафасида мезбон футболчилари дарвозабон билан иккига бир вазиятга чиқиб кетишди ҳамда Канга бўш дарвозага тўпни йўллади. Иккинчи бўлимда Азмун ва Ерохин яккама-якка вазиятлардан унумли фойдаланиб, ҳисобни йирик кўринишга келтиришди.

Ушбу ғалабадан кейин "Ростов" очколарни 51тага етказди ва жадвалда 1-ўринга кўтарилиб олди. "Зенит" эса 46 очко билан 5-ўринга тушиб қолди. Шунча очко жамғарган "Краснодар" ва "Локомотив" 3 ва 4-ўринларни эгаллаб туришибди. Иккинчи поғонадаги ЦСКА ҳисобида 50 очко бор.

Ростов – Зенит 3:0 (1:0, 2:0)
Голлар: 1:0 – 44 Канга, 2:0 – 59 Азмун, 3:0 – 76 Ерохин.
Ростов – Джанаев, Навас, Новосельцев, Кудряшов (Маргасов, 90), Баштуш, Канга, Калачев, Ерохин, Нобоа, Полоз (Думбия, 82), Азмун (Бухаров, 64).
Зенит – Лодыгин, Гарай, Ломбертс, Смольников, Гарсия, Жирков (Юсупов, 79), Витцель, Маурисио (Кришито, 79), Шатов (Кокорин, 62), Халк, Дзюба.
Огоҳлантиришлар: Канга (41), Витцель (70), Кокорин (88).