Ўйиндан кейинги матбуот анжуманида ҳар икки жамоа вакиллари ўйин ҳақида фикрларини билдириб ўтишди. Мезбонлар мураббийи фикри билан танишинг.
Григорий КОЛОСОВСКИЙ ("Пахтакор" мураббийи): - Ўйин ҳар иккала жамоа учун қийин кечди. Зич тақвим бизнинг ўйинимизга ўз таъсирини кўрсатмоқда. Бугунги ғалаба жуда катта меҳнат эвазига қўлга киритилди. Шу билан бирга "Пахтакор" ҳақли ғалабани қўлга киритди. Камолиддин Тожиев "Бунёдкор"га қарши ўйинни ўтказиб юборади. Бу жамоамиз учун йўқотиш, аммо футболда алмаштириб бўлмас футболчилар бўлмайди. Унинг ўрнини тўлдиришга ҳаракат қиламиз. Бугунги ғалабада Тожиевнинг хизмати жуда катта бўлди. Машариповнинг захирада қолдирилгани зич тақвим билан боғлиқ. Унда жароҳат йўқ эди.
