«Локомотив» ҳимоячиси Виталий Денисов ўзи иштирок этган акция борасида фикрлари билан ўртоқлашди. У суперқаҳрамон Тор кийимида Москва кўчаларида юриб, танлов ўтказди ҳамда мухлисларга "Спартак"га қарши ўйин учун чипталар тарқатди.

«Ажойиб акция бўлди. Кўп ҳазил-ҳузил қилдик, суратларга тушдик ва суҳбатда бўлдик. Мухлисларимиз бу янгиликдан бохабар бўлишган ва улар белгиланган жойда ҳозир бўлишганди. Шу боис, чипталар тезда тақсимланиб кетди.

Болға кўтариб юришга ҳаракат қилдим, лекин бошида ўзимни бироз ноқулай ҳис қилдим. Ахир ҳар куни Тор кийимида Москва марказида сайр қилмайман. Бундай катта эътиборга ўрганмаганман.

Агар мазкур қизиқарли акция стадионга келадиган мухлислар сонини оширса, бундан хурсанд бўламан», – дейди Денисов.

Эслатиб ўтамиз, Россия Премьер-лигаси доирасида «Локомотив» — «Спартак» 26-тур ўйини 30 апрель, шанба куни бўлиб ўтади.