"Реал" яримҳимоячиси Гарет Бэйл жамоадоши Криштиану Роналду билан муносабати борасида фикрлари билан ўртоқлашди.
"Криштиану инглизчада гапиради. Эндигина "Реал"га ўтганимда у менга ёрдам берган. Бизни яна АПЛда тўп сурганимиз боғлаб туради. У билан муносабатим жуда яхши ва ҳеч қачон орамизда муаммо бўлмаган", - дейди Бэйл.
Аввалроқ, агар янги масумда Роналду жамоада қолса Бэйл жамоадан кетиши мумкинлиги хабар қилинган эди. Испан матбуоти футболчилар орасидаги зиддиятга Бэйлнинг жамоа етакчиси бўлиш истаги эканини таъкидламоқда.
Таъкидлаш жоиз, уэльслик футболчига "Манчестер Юнайтед" ва "Челси" қизиқмоқда.
Бэйл бу мавсумда 26 учрашув ўтказиб, 18та гол урган ва 13та голли узатма оширган. Роналдуда бу кўрсаткич: 44-47-15.