"Манчестер Юнайтед" яримҳимоячиси Хуан Мата замонавий футболни ёқтирмайдиган инсонларни тушунишини айтди.
Испаниялик 27 ёшли футболчининг фикрига кўра, пул футболни бузади.
"Манчестер Юнайтед"нинг ўйини учун чипта 50 доллар туради, бу арзон эмас. Замонавий футболни ёқтирмайдиган одамларни тушунаман. Биз бошқа касбдаги одамлар билан солиштирганда ақлбовар қилмас пул ишлаб топамиз.
Агар Испания ва бутун дунёга солиштирсак, мен жуда кўп пул топаман. Мен футболни севаман, аммо унинг бизнесга айланиб кетишини истамайман. Бизнес футболга бу қадар таъсир ўтказмаслиги учун маошимнинг қисқартилишидан ҳам хурсанд бўлар эдим", - дейди Мата.