Футбол оламида авиаҳалокатга учраган бир нечта жамоалар бор. Биз ана шундай дахшатли авиаҳалокатларнинг еттитаси ҳақида тўхталиб ўтамиз. 

1949 йил. Шу йили Италия футболи бир нечта юлдузларини йўқотди. «Торино» клубининг самолёти Португалия сафаридан қайтаётиб тоғ қиялигига урилади. Бу фожеа Турин яқинида юз беради. Фожеа натижасида «Торино»нинг 18 ўйинчиси, хусусан жамоа сардори Валентино Маццола, бош мураббий Лесли Ливсли ва бир неча журналистлар ҳаётдан эрта кўз юмадилар. Ҳалокатгача «Торино» кетма-кет 4 маротаба Италия чемпиони бўлган эди. 

1958 йил. Маъшум ҳалокат содир бўлган йилнинг феврал ойида «Қизил иблислар»нинг юлдузли таркиби Мюнхенда ҳалокатга учради. «Басби болалари»дан 8 нафар юлдузлар ва 8 та журналистлар ҳалок бўлдилар. Бу жамоа учун ўта оғир йўқотиш бўлган эди. 

1961 йил. Чили кубоги учрашувида иштирок этиш учун Сантягодан Осорнога парвоз қилган «Грин Кросс» клуби самолёти Лос-Лантимас тоғига бориб урилади. Бу ҳалокат натижасида жамоанинг 24 нафар аъзоси вафот этади. 

1969 йил. Боливиянинг энг оммавий клуби «Стронгест»нинг 19 нафар аъзоси авиаҳалокатдан вафот этади. 

 

1979 йил. Ўзбек футболи учун алам қиларли йил. Тошкентнинг «Пахтакор» жамоаси навбатдаги чемпионат ўйинига Минскга отланади. Афсуски, ўшанда пахтакорчилар манзилларига етиб бора олмаганлар ва 17 киши вафот этган. 

1987 йил. Лиманинг «Алянс» клуби авиаҳалокатга учрайди. Одатдаги миллий чемпионат ўйинидан қайтаётган клуб самолёти денгизга қулаб тушади. Бунинг натижасида клубнинг 43 аъзоси – футболчилар, жамоа мухлислари, жамоа раҳбарияти вафот этадилар. 

1993 йил. Замбия терма жамоасининг 18 футболчиси авиаҳалокат натижасида вафот этади. Жамоа Сенегалга қарши ўйинга учаётган вақтида самолёт Габон яқинидаги дарёга қулайди. 

Фурқат  Юсупов тайёрлади