Қитъамизда Осиё Чемпионлар Лигасидан кейинги ўринда дея эътироф этиладиган ОФК Кубоги баҳсларида бугун 5-тур учрашувлари ўтказилмоқда.
Бироз олдин кун доирасидан ўрин олган Фаластиннинг “Аҳли Ал Ҳалил” ҳамда Баҳрайннинг “Ал Муҳаррақ” жамоалари ўртасидаги тўқнашув ниҳоясига етди. Қизиқарли кўриниш олган матчда томонлар муроса кўчасини танлашди – 1:1.
Ўзбекистонлик маҳоратли ярим ҳимоячи Шоҳруҳ Гадоев ўйинни бошланғич таркибда бошлади ва матч давомида фаол тарзда ўйин кўрсатди.
Ўтган турдаёқ аллақачон гуруҳдан чиқиш масаласини ҳал қилиб қўйган “Муҳаррақ” ҳисобидаги очколар сони ушбу ўйиндан сўнг 13 тага етди. Ушбу жамоа илк марта очко йўқотганини ҳам алоҳида қайд этиб ўтиш жоиз.
