“Локомотив” – “Олмалиқ” жамоалари ўртасидаги беллашув якунлангач, ҳар икки жамоа устозлари иштирокида матбуот анжумани ташкил этилди. Унинг дастлабки қисмида “Олмалиқ” бош мураббийи Игорь Шквирин иштирок этди.
- Бугун бизнинг кунимиз эмас экан. Боиси ҳамма жабҳада имкониятни бой бериб қўйдик. Ўзи кўп ўйинларда истамасакда мағлубиятга учраяпмиз. Бугун бутун жамоамизнинг ўйини ўхшамади. Диёр Туропов ёмон ҳаракат қилмади. Аммо марказий чизиғимиз жуда бўш ўйин кўрсатди.
Дарвозабонни кўп ҳам айбламаган бўлардим. Чунки бугун дарвозамизда бошқа бир посбон турганида ҳам бундан кам гол ўтказмасдик. Сабаби рақиб босимни ошираверди, ҳимоячиларимиз эса жуда пала-партиш ҳаракат қилишди.
Ҳимоячиларга мен берган кўрсатмалар аниқ етиб бормаётган кўринади. Сабаби мен ўзбек тилини билмайман. Футболчиларнинг аксарияти эса русчада гаплаша олишмайди. Ҳайронман, бундай ҳолатда таржимонга мурожаат қилишдан ўзга чорамиз йўқ, - дейди тажрибали мутахассис.