“Бунёдкор” – “Пахтакор” учрашувидан кейинги ташкил этилган матбуот анжуманининг иккинчи қисмида “шерлар” устози Григорий Колосовский қатнашди.

- Қизиқарли учрашув бўлди. Биринчи бўлимда тўпни кўпроқ назорат қилдик ва устунлик биз томонда бўлди. Ўйлашимча, дастлабки таймдаги ҳаракатларимиз мухлисларимизга манзур бўлди. Бироқ танаффусдан кейин ҳимоячиларимиз томонидан қўл қўйилган хатолар қимматга тушди. “Бунёдкор” иккинчи таймни яхши ўтказди ва ҳақли равишда ғалаба қозонди. Ғалаба билан “Бунёдкор”ни табриклайман. Биз йўл қўйган хатолар устида ишлаймиз ва кейинги учрашувларда буни такрорламасликка ҳаракат қиламиз. Яна уч кундан сўнг Осиё Чемпионлар лигасида “Ал-Жазира”га қарши баҳс ўтказамиз. Ана шу учрашувгача йигитларни тиклашимиз ва ғалаба сари руҳлантиришимиз керак. Чемпионлар лигасидаги ғалаба нафақат биз учун балки бутун Ўзбек футболи учун муҳимдир, - деди “Пахтакор” устози Григорий Колосовский.