«Манчестер Сити» клуби бош мураббийи Мануэль Пеллегрини ЕЧЛ ярим финал дастлабки учрашувида “Реал”га қарши учрашувда мадридликлар ҳужумчиси Криштиану Роналду ўйин қайдномасига киритилмагани унинг учун янгилик бўлмаганлиги ҳақида айтиб берди.
«Менинг Испанияда жуда кўплаб дўстларим бор. Мен доим бўлажак рақиб ҳақида кўпроқ маълумот йиғиб юришга ҳаракат қиламан. Мен дастлабки учрашув куни эрталабки мажлисда бугун Роналду майдонга тушмаслиги ҳақида айтган эдим. Роналдунинг жароҳати жиддий эмас, лекин “Реал” мураббийлари таваккал қилишни қўрқишмоқда. Роналду 5 дақиқа ўйнаса жароҳатини янгилаб олиши мумкин ва мавсум охиригача даволанишига тўғри келади.
Яқин 3-4 кун ичида “Реал” мураббийлари Криштиануни ўйнаши ёки ўйнамаслиги ҳақидаги қарорни қабул қилишади. Агар Роналду тайёр бўлса ўйнайди, мен бу ҳақда маълумот оламан», — деди Пеллегрини Mirrorга берган интервьюсида.
