"Манчестер Юнайтед" бош мураббийи Луи ван Гал "Лестер" билан дуранг натижадан сўнг (1:1) ўз жамоасининг мавсумдаги энг яхши ўйинлардан бирини ўтказганини айтди.
"Ўйлашимча, биз мавсумдаги энг яхши ўйинлардан бирини ўтказдик. Аммо бу камлик қилди. Ҳакам учун ҳам қийин ўйин бўлди.
Биз ғалаба қозона олмадик ва энди тўртинчи ўринни эгаллаш ҳам қийин бўлади. Аммо "Манчестер Сити" "Саутгемптон" меҳмони бўлади - демак, пойга давом этади. Менимча, "Тоттенҳэм" ҳам чемпион бўлиши мумкин. Кучли ғолиб бўлиши керак. "Тоттенҳэм" бизга қарши ўйинларда энг кўп очко йиғди, аммо мен "Лестер"ни чемпионликка муносиб ҳисоблайман", - дейди Ван Гал.
