Хабарингиз бор, эртага ва индинга Осиё Чемпионлар Лигасида гуруҳ босқичининг сўнгги тур учрашувлари бўлиб ўтади. Тошкентнинг “Бунёдкор” жамоаси 6-тур доирасида “Лаҳвия” клуби билан куч синашади.
Маълум бўлишича, ушбу жамоа ҳам “Бунёдкор”га қарши ўйинга жиддий ҳозирлик олиб бормоқда. Қатар клуби таркибида йўқотишлар йўқ. Испаниялик машҳур ҳимоячи Чико Флорес ҳам сафга қайтди ва катта эҳтимол билан “Бунёдкор” билан ўйинда майдонга тушади.
Таъкидлаш жоизки, “Лаҳвия” куни кеча Қатар кубоги финалида “Ал Жаиш”га имкониятни бой бериб қўйди.
Эслатиб ўтамиз, “Лаҳвия” – “Бунёдкор” учрашуви 4 май куни Тошкент вақти билан 22:15да бошланади.
