“Лахвия” – “Бунёдкор” учрашуви олдидан ташкил этилган матбуот анжуманининг биринчи қисмида “Бунёдкор” вакиллари қатнашишди.

- Қатарда бўлиб турганимиздан хурсандман. Эртага биз ОЧЛ мусобақасининг бу йилги ҳисобидан охирги ўйинимизни ўтказамиз. Ҳозирда “Бунёдкор” бор эътиборини ички мусобақаларга қаратган. “Лахвия” эса кейинги босқич масаласини ҳал қилиб бўлган клуб. Шу боис эртага қизиқ ва очиқ ўйин бўлади, деб ўйлайман. Таркибимиздаги аксарият футболчилар икки йил олдин ёшлар, ўтган йили олимпия, бу мавсумдан миллий терма жамоада ўйнашмоқда. Ўйлайманки, биз тўғри ва истиқболли йўлдамиз. Футбол мактабимизнинг иши яхши олиб борилмоқда. Буни ОФК ҳам 2015 йил якунларига кўра эътироф этди. Биз бу иш ҳажмини янада кучайтиришни ва янги номларни кашф этишдан асло чекинмаймиз”, - дейди Сергей Лушчан.

- Гуруҳдаги охирги ўйин бўлса ҳам ғалаба учун майдонга тушамиз. Ҳамма йигитлар баҳсга тайёр. Ҳеч бўлмаса гуруҳнинг сўнгги ўйинида ғалаба қозонишга ҳаракат қиламиз, - дейди Отабек Шукуров.